Mit Farmachta Oigen - מיט פארמאכטע אויגן lyrics

מיט פאַרמאַכטע אויגן
הערסטו נענטער דעם ים
מיט פיבערנדיקע פינגער
פילסטו גרינגער דעם גראם
די גאָלדענע פּאַווע
דערקענסטו אין פלי
אוןאַ בענקשאַפט ווערט שענער
ווען זי איז פון נישט-הי
אוןאַ בענקשאַפט ווערט שענער
ווען זי איז פון נישט-הי

די מידקייט ווערט מידער
ביי דער שוועל פון א הויז
ווען דו קניסט פילסטו שאַרפער
אַז גאָט איז גרויס
גאָט כביכול איז גרויס
הייַנט פּונקט ווי אַמאָל
נישט ווייַל ער דונערט אין הימל
נאָר ווייַל ער כליפּעט אין טאָל

אַז וווֹיל איז צו דעם
ווָאס האָט דאָס כליפּען דערהערט
דיר איז אַזאַ הערונג
געוועזן באַשערט
און אַ טרער איז געפאלן
אין דיין געמיט
און מיט וווּנד און מיט וווּנדער
זיך צעבליט אין דייַן ליד