Cow Boy - راعي البقر lyrics
by Afroto - عفروتو
[المقطع الأول]
بحلم أحكي أقول كلام
بس صعب إنه يتقال ع الملأ
لأ ده صعب إنه يتقال للناس أصلاً
ولا حتى يتكتب في الورق
من الهم اللسان مبلم
وعاجز إنه يقول ويشكي ويتكلم
تباشير في إيديا بكتب إني بشيل جوايا وأكتم
مش عايز أسمع صوتي
مش عايز أسمع غير صوت سكوتي
أرجوك سيبوني، ليه بتلموني؟
لما بقول مش عايز أحكي إفهموني
إفهموا أنا مش عبيط
أنا بحكي سري لنفسي عشان جوايا بير غويط
ورغم إني مش بحكي ليكوا بحبكوا
بس ياريت ما ندخلش بعض في حوارت كتير
بالعربي مش عايز حد فيكوا جنبي
ما شفتش منكوا مصدر ثقة فبضطر أخبي
أتعب في قلبي وتموت سعادتي
[؟] بعدي بشيل وعبي
وأصرخ بأعلي صوت سكوت في قلبي
إبعدوا عني، إبعدوا عني
مش هقول لحد همي
مش هفتكر حد سابني
مين دول؟ ومين دولا؟
دول صحاب الكيف ودول لأجل الحريم باعونا
ودول منافقين برخصة
بيضحكولي دايماً وفي الأصل بيكرهونا
فالحل أكون لوحدي جنب ضلي
بشكي لنفسي أصل مش بتكسف مني
أنا أولا بيا، بيا أحلي عيشتي
لوحدي حتى لو الكل ضدي
[اللازمة]
سيبني لوجه الله
شوف كام واحد باع
مش هسلملك، مش هتكلملك
مش هنسى اللي إتقال
سيبني لوجه الله
شوف كام واحد باع
مش هسلملك، مش هتكلملك
مش هنسى اللي إتقال
سيبني لوجه الله
شوف كام واحد باع
مش هسلملك، مش هتكلملك
مش هنسى اللي إتقال
سيبني لوجه الله
شوف كام واحد باع
مش هسلملك، مش هتكلملك
مش هنسى اللي إتقال
[المقطع الثاني]
تعالى أقولك أنا مش بحكي ليه
أصل السير بيبقى سر طالما إتقال وإتحكي لإتنين
وأنا أول واحد بحكيلي هو أنا
فما ينفعش أقول السر مرتين
أصل أنا، مش منافق زيكم
مش بكذب عليا وأقنع نفسي إني أحبكم
لأ أنا صريح مع نفسي بزيادة
وده خلاني صريح معاكوا
وخليني أكرهكوا كلكوا
وارد إني أكون ظلمكم
باين، بس ما تقنعنيش إني أبقى منكوا
ماتت، لما لقيتكوا على المصلحة بتجروا
كنت ساكت، مش ضعف لأ
أنا بس كنت مكتفي إني متابع
Calm down, calm down
ما تعيطش لأ إهدا
الكلام ده أنا اللي كتبوا ليا مش ليك إنت
قادر إني أكون وسط قلوب من حجر
غباء عقول مواشي خلاني أحمد راعي البقر
ليل قمر غير سهر
فإكتشفت فعلاً إنهم بقر مش بشر
ما تقوش سرك لحد أبداً
لا بشبهك اللي قال سرو بكي ندماء
خليك في حالك، حالك سندك
ساكت إنما كلامك ده جواك إنت وبس
فتقولي دول أحسن من دول أقولك لأ
الإتنين بعد الساعة إتناشر بيتحولو ذئاب
كله بان، في لحظة، طول الليل سهرنا
وفي الصباح صبحنا، بعاني
إكتب أهبل فصل عادي
إشطب أكتب إن ده أوفر دوس كلامي
أوكازيون آلامي
مش عايزكوا تاني
[اللازمة]
سيبني لوجه الله
شوف كام واحد باع
مش هسلملك، مش هتكلملك
مش هنسى اللي إتقال
سيبني لوجه الله
شوف كام واحد باع
مش هسلملك، مش هتكلملك
مش هنسى اللي إتقال
سيبني لوجه الله
شوف كام واحد باع
مش هسلملك، مش هتكلملك
مش هنسى اللي إتقال
سيبني لوجه الله
شوف كام واحد باع
مش هسلملك، مش هتكلملك
مش هنسى اللي إتقال