In De Chalet lyrics

[Refrein (Flip Kowlier)]:

'k Zit in de chalet
Met Timothée Chalamet
'k Zit in de chalet
Met Timothée Chalamet

[Strofe 1 (Serge Buyse)]:

Wuk da'k wille onder de kerstboam
Is Timothée Chalamet
Après-ski in de Vogezen met 'n assiette cassoulet
Of in de lavendelveldn darteln
Todam echt kun niemi
Of meskien in de Pyreneeën
Ip 'n top van 'n Tourmalet

'k Gaеn verzorgen lik 'n aepkе
En em in koddige kljirkes steekn
Je mag vrie rondloapn in min us
'k graek er nooit ip utgekeekn

Je mag wok mee ip commissie
Ton zit ie ip m'n skoern
En ool de kalantn van Delhaize
Zittn no Timothée te loern
Laat ne mins ne kji droamn
Lik ne hippie tussn de boamn
Ik rjikke no de sterrn
In de plekke van 't leven of te roamn

Woarom zoej genoegen pakkn met minder
Oaj wok kunt goan voe mjir
Wie zegter daj nie meugt?
Zegget anders nog ne kjir

Nen Timothée voe m'n eigen...
Woarom niet? Ik wete't niet
'k Wil er minstens jin of twji
Voer idderjin, 't lig in't verskiet

Nie moeilik voe te regeln
Zeker te vinden ip het web
M'en 't juste mo te doen
Lik nen oedn ip zinne step

[Refrein (Flip Kowlier)]:

'k Zit in de chalet
Met Timothée Chalamet
'k Zit in de chalet
Met Timothée Chalamet
'k Zit in de chalet
Met Timothée Chalamet
'k Zit in de chalet
Met Timothée Chalamet
[Strofe 2 (Serge Buyse)]:

Oet er ntwie is dak verkieze
Boovn Timothée Chalamet...
Ton is't Fiona Dourif
Ik smelte voer eur cachet

Ti de dochter van eur voader
Oeket oarde koste'k niemi
En seffes zim ofgesproken
Ip date voe café au lait

Jaja, kwete't, ti niet echt
Mo nen mins mag fantaseren
Ti min cosmologisch recht
Voer acteurs t' idialiseren

Dus ik droame van Fiona
En oe goed dawwe zoen passn
En damme vliegen no Monte Carlo
Voer een pauze in te lassen

Fiona, o Fiona
Gaeme twoape no Pamplona?
Afzondern van de reste
Lik in tidde van Corona
Verstoa mie nie verkjird
Het is olljins nie seksueel
Ik ben geweun betoaverd...
Of ja, toch wel eventueel

We moetn der wok niet over zjivern
We zin gin kleuters niemji
We kunn ntwa overjinkomn
Ol is't mo juste ne kjir of twji

Timothée zei nog:
"Buysee, ge moet er geweun voorn gaen!"
Ik zeie: "'k Weete't Timmy, 'k weete't
Mo rapper gezeid dan gedaen."

[Bridge(Flip Kowlier)]:

Tie moo teeeeeee

"Mmm..."
"Mmm..." doe Flip

[Refrein (Kowlier & Buyse)]:

'k Zit in de chalet..., Fiona, o Fiona...
Met Timothée Chalamet., Gaeme twoape no Pamplona?
'k Zit in de chalet..., Ofzondern van de reste...
Met Timothée Chalamet., lik in tidde van Corona

'k Zit in de chalet..., Fiona, o Fiona...
Met Timothée Chalamet., Gaeme twoape no Pamplona?
'k Zit in de chalet..., Ofzondern van de reste...
Met Timothée Chalamet., lik in tidde van Corona