Ka’en Fada’y - كائن فضائي lyrics

[مقدمة]
رجعوني تاني

[المقطع الأول: هاني الدقاق]
كائن فضائي جاي من مجرة تانية
جيت في وقت غلط، طب أجيلكوا مرة تانية
كوكبكو مشقلب وأنا مش مترجم
إسمح إني أكنسل المهمة دي يا فندم
دي رسالتي لقائد المجموعة الشمسية
دا التقرير بتاعي من الكرة الأرضية
ما عرفتش آجي سكة مع البشرية
أنا بطلب نقلي بسرعة عند ناس تانية غير ديا

[اللازمة]
أووووو
هنا مش مكاني
أووووو
رجعوني تاني
أووووو
هنا مش مكاني
أووووو
رجعوني تاني

[المقطع الثاني: تاكي]
نبدأ حلقتنا بخبر جديد
طبق طاير هبط على المنيب
خبط نقل ولبس في چيب
إتلموا على اللي سايق، لقوه كائن غريب
شدوه على القسم وعملوله محضر
بيقول من الفضاء بس لونه مش أخضر
سين وجيم لقوا ورقه سليم
فقالوله إرجع زي ما جيت
[المقطع الثالث: مايكي]
معهوش ولا مليم راح إشتغل كول سنتر
بس صباعه كبير ما بيعرفش يدوس إنتر
(ولا يستعمل البرنتر)
دخل على النت وقال هيبقى إنفلونسر
مشي على الموضة وعمل كومكس
لعب يوجا وكمان إيروبكس
حب واحدة وما إستلطفتوش
قال الكوكب دا ما ينفعوش

[قبل اللازمة]
طب وأنا كان مالي بكل دا
ما أنا كنت في حالي في منتهى المنجهة والأنتخة
كانت كل حياتي مترستقة
طب وأنا كان مالي بكل دا
ما أنا كنت في حالي في منتهى المنجهة والأنتخة
كانت كل حياتي مترستقة

[اللازمة]
أووووو
هنا مش مكاني
أووووو
رجعوني تاني
أووووو
هنا مش مكاني
أووووو
رجعوني تاني
[جسر]
عزيزي القائد، بعد التحية
أنا بطلب إنسحابي من مهمتي الرسمية
حاولت إنى أتعامل وأبقى قد المسئولية
ما عرفتش حتى ألبي إحتياجاتي الأساسية

[فاصل]
عشرين مليون فنان، عشرين مليون كسلان
عشرين مليون فيلم كرتون في اليوم و بالألوان
فوق مية مليون بني آدم مع مية مليون حدوتة
خمسين مليون كباية شاي مع مية مليون بسكوتة

[قبل اللازمة]
طب وأنا كان مالي بكل دا
ما أنا كنت في حالي في منتهى المنجهة والأنتخة
كانت كل حياتي مترستقة
طب وأنا كان مالي بكل دا
ما أنا كنت في حالي في منتهى المنجهة والأنتخة
كانت كل حياتي مترستقة

[النهاية]
أووووو
هنا مش مكاني
أووووو
رجعوني تاني
أووووو
هنا مش مكاني
أووووو
رجعوني تاني
(طب وأنا كان مالي بكل دا)
(ما أنا كنت في حالي في منتهى المنجهة والأنتخة)
أووووو
هنا مش مكاني
أووووو
رجعوني تاني
(طب وأنا كان مالي بكل دا)
(ما أنا كنت في حالي في منتهى المنجهة والأنتخة)
أووووو
هنا مش مكاني
أووووو
رجعوني تاني