Meya Meya Kanet Hatefre’ Fel Wadaa’ - مية مية كانت هتفرق في الوداع lyrics

[المقطع الأول]
لو كنت بس ساعتها عارف إن دي المرة الآخيرة
مية مية كانت هتفرق في الوداع
كنت هحضن سندس اللي في تانية تالت على المشاع
وإحنا طالعين من اللجان بعد آخر إمتحان
وأسألها لو بتشوف فلان
طب فاهمة مادة ميس إيمان؟
طب ينفع أبقى أجيلكوا عادي؟
قصدي يعني البيت يساع
لو كنت بس ساعتها عارف، كانت هتفرق في الوداع

[المقطع الثاني]
كل الشوارع والمباني
اللي مش هدخلها تاني
والأغاني اللي لما سمعتها دندنتها
من مرة واحدة من السماع
يا كل حاجة كسبتها أو سبتها
ما قدرتش أشبع منها إكمنها
قالت هنروح من بعض فين
يا ناس يا عبط يا عشمانين
في فرصة تانية للقا
بطلوا أوهام بقى

[فاصل جيتار]

[المقطع الثالث]
كفاية أحلام وإسمعوا
عيشوا بذمة وودعوا
كل حاجة بتعملوها
وكل حد بتشوفوه
عيشوا مشاهد كل مشهد زي ما يكون الأخير
إشبعوا ساعة الوداع وأحضنوا الحاجة بضمير
ده اللي فاضل مش كتير
اللي فاضل مش كتير