Tokaa We Tkoom - تقع وتقوم lyrics

[المقطع الأول]
وتقع وتقوم وتقوم وتقع
في الفرح دموع ودموع يا وجع
مين قال مقسوم كداب يا ودع
ده إنت اللي في إيدك طرف الخيط
في الزحمة وشوش جاية وبتروح
خايف على قلبي يبات مجروح
ضحكة من الحلوة ترد الروح
تفتح شبابيك وببان البيت

[اللازمة]
أنا صابني الحزن، ما قولتش ليه
وعاندني الحزن، قدرت عليه
ويا بحر حلفت إني أعديه
ويفوت العمر لو إستنيت

[المقطع الثاني]
دقيت على الصبر فتحلي الباب
وحكالي هموم كل الأحباب
ويا فرحة إترسمت بعد غياب
وقالتلي إتفضل لما ناديت
الحلم براح والكون مشاوير
والغنوة جناح ياخدك ويطير
ده العشق مالوش أصل وتفسير
ويبان في عيونك مهما داريت
[اللازمة]
أنا صابني الحزن، ما قولتش ليه
وعاندني الحزن، قدرت عليه
ويا بحر حلفت إني أعديه
ويفوت العمر لو إستنيت

[المقطع الثالث]
الناس فوازير وسطور حكايات
وساعات براويز وساعات متاهات
ودموع بتدوب وسط إبتسامات
تضحك دمعاتك لو حنيت
مكتوب للغايب يوم هيعود
مكتوب للغصن يضم ورود
من حضن الليل فجرك مولود
وتبات ونبات جاية الحواديت

[اللازمة]
أنا صابني الحزن، ما قولتش ليه
وعاندني الحزن، قدرت عليه
ويا بحر حلفت إني أعديه
ويفوت العمر لو إستنيت