Kelma - كلمة lyrics
by Massar Egbari - مسار إجباري
[المقطع الأول: هاني الدقاق]
بكلمة نتفرق
كلمة تجمعنا
نبعد وما نصدق
كلمة ترجعنا
وكلمة بتفرح
وكلمة توجعنا
وكلام كتير يجرح
مع إنه بلا معنى
[المقطع الثاني: بستان مجدي]
وكلمة تحرمنا
وقلوبنا عطشانة
فنقول مافيش فايدة
والحلم جوانا
وكلام كتير ووعود
وياريتنا نعمل بيه
وكلام ما هوش مقصود
لكن بنمسك فيه
[اللازمة]
وكلمة بتفكرنا
وكلمة بتنسينا
والماضي لو يكسرنا
ميت حاجة هتقوينا
وكلمة بتفكرنا
وكلمة بتنسينا
والماضي لو يكسرنا
ميت حاجة هتقوينا
[المقطع الثالث: هاني الدقاق وبستان مجدي]
وكلمة بتنور جوة القلوب الضي
وكلمة بتغير شكل اللي كان والجاي
وكلام جوة العيون يتحس وما يتقالش
وكلام دافي وحنون يدخل ما يستأذنش
[اللازمة]
وكلمة بتفكرنا
وكلمة بتنسينا
والماضي لو يكسرنا
ميت حاجة هتقوينا
وكلمة بتفكرنا
وكلمة بتنسينا
والماضي لو يكسرنا
ميت حاجة هتقوينا