Ashrab Shay - أشرب شاي lyrics

أنا أمي جات صحتني الصبح وأنا نايم على السرير
بتقولي معاد الشغل قوم يلا وبلاش تأخير
قلتلها حاضر قايم بس مسقط أفوق إزاي
قالتلي تشرب إيه قلتلها أنا أشرب شاي
تشرب إيه (أشرب شاي)
تشرب إيه (أشرب شاي)
تشرب إيه (أشرب شاي)
تشرب إيه (أشرب شاي)

ونزلت سريع من البيت ع الشغل عشان ألحق أوتوبيس
وطلعت ركبته في عز الحر دماغي طلبت تهييس
دمي اتعكر من كتر الزحمة الشمس كالتلي دماغي
قومت طالع ع المكتب وبسرعة ندهت الساعي
تشرب إيه (أشرب شاي)
تشرب إيه (أشرب شاي)
تشرب إيه (أشرب شاي)
تشرب إيه (أشرب شاي)

خلصت الشغل وقولت لصاحبي نروح نقعد ع القهوة
بهدلة مرمطة فرهدة في الحر في نافوخي عملوا فجوة
وقعدت أحكيله على اللي حصلي من ساعة ما صحيت
قام قالي كمان أنا زيك وياريتك ما كنت حكيت
تشرب إيه (أشرب شاي)
تشرب إيه (أشرب شاي)
تشرب إيه (أشرب شاي)
تشرب إيه (أشرب شاي)
وطلعت عند خطيبتي اللي أنا معاها طافح الطين
بس خلاص هانت قربت أتجوز فاضل ست سنين
وعم الحاج أبوها جيه وقالي طريقك إزاي
قولتله قبل ما أتكلم أنا عايز أشرب شاي
تشرب إيه (أشرب شاي)
تشرب إيه (أشرب شاي)
تشرب إيه (أشرب شاي)
تشرب إيه (أشرب شاي)

روحت البيت عشان مش قادر ونفسي أنام
من صباحية ربنا بهدلة بجد أنا تعبان
أمي جات تسألني ع اللي حصل ليه وإزاي
قلتلها يامة قبل ما أتكلم نص كلمة أنا عايز أشرب
تشرب إيه (أشرب شاي)
تشرب إيه (أشرب شاي)
تشرب إيه (أشرب شاي)
عايز أشرب شاي
تشرب إيه (أشرب شاي)
تشرب إيه (أشرب شاي)
تشرب إيه (أشرب شاي)
تشرب إيه (أشرب شاي)