Jao Na Tum lyrics

[Intro]
Yeah, jiyu andhere mein kyu?
Kosu mai khud ka wajood
Chahu aatma-sandeh ki keechad se nikal kar uthna
Hu kamal ka phool
Khushi har haal mein khojna
Hai khuda darwaaze khol raha
Ye gaana umeed ki dor hai
Pakde rehna bas haath nahi chhodna

[Verse 1]
Ye unke liye jo udaas hai
Jo minnate karte khuda se
Ye unke liye jo sirf kar rahe guzaara
Aur zinda hai apno ke khaatir
Khaali pet le dabaaye bhookh ko
Hasta chehra le chhupaaye dukh ko
Ye unke liye jo ab zindagi jeene ke layak nahi samajhte khudko
Mai bhi hu tumhari jagah pe
Guzarti shaame soch ke janaaze
Iss raah pe toh buzdili aam hai
Thokar hi khaake koi badhe aage
Naa yaad tum, sochu mai kisko?
Sab dagabaaz, kosu mai kisko?
Ye sab mere saath hi kyu hota hai?
Kaun de jawaab? Puchhu mai kisko?
Mujhe nahi parwaah hai ab kisi ki
Dil befikar, mann mein aaye woh bol raha hai
Ek kaudi nahi kama raha kala se
Aur ye log puchhe ki gaane kyu chhod raha hai
Ab woh sirf haatho ko jod raha hai
Khud se kiye vaadon ko tod raha hai
Imaan yahaan bikte hai sabke
Bechna nahi khudka toh paai-paai jod raha hai
[Chorus: GAUSH & Mrunal Shankar]
Na jao tum, bas saath raho, na jao tum, bas saath raho (Jaana, jao na tum)
Maut ek pal ki cheez hai, zindagi dekh tu kitni badi
Na jao tum, bas saath raho, na jao tum, bas saath raho (Saath mere raho na tum)
Shaama bhi jaane ki hona hai rakh woh phir bhi jalti rahe
Na jao tum, bas saath raho, na jao tum, bas saath raho (Jaana, jao naa tum)
Maut ek pal ki cheez hai, zindagi dekh tu kitni badi
Na jao tum, bas saath raho, na jao tum, bas saath raho (Saath mere raho na tum)
Shaama bhi jaane ki hona hai rakh woh phir bhi jalti rahe

[Verse 2]
Koi mana raha shok hai maa ke dehaant ka
Maatam ab har jagah hai
Koi keh raha alvida premi ko apne
Bichhadne ka waqt jab aaye
Koi raato se chain ki neend nahi soya
Hai karze ka bhaar jab sar pe
Koi kaat ke pet khila raha bachon ko
Do waqt ki roti nahi ghar pe
Maine bhi kaati hai raate, maine bhi saha hai dard
Maine chhupaye hai aansu iss duniya se
Taaki kam lagu naa mard
Bebasi ki cheenkhe maari khuda se
Maula koi jeene ki wajah de
Umeed naa kisi se mujhe
Bas aasra dena, tu hi mera saga hai
Khuda ka haath hai sar pe toh lage naa dar
Aur baap ka chehra hamesha saamne aaye
Jab mushkilo se jaana chaahta mukar
Un'ne laga di hai zindagi poori sirf tujhi pe
Toh jo bhi ho jaaye bas chalte rehna, chadhte rehna
Jab tak naa pohonche shikhar
[Chorus: GAUSH & Mrunal Shankar]
Na jao tum, bas saath raho, na jao tum, bas saath raho (Jaana, jao na tum)
Maut ek pal ki cheez hai, zindagi dekh tu kitni badi
Na jao tum, bas saath raho, na jao tum, bas saath raho (Saath mere raho na tum)
Shaama bhi jaane ki hona hai rakh woh phir bhi jalti rahe
Na jao tum, bas saath raho, na jao tum, bas saath raho (Jaana, jao naa tum)
Maut ek pal ki cheez hai, zindagi dekh tu kitni badi
Na jao tum, bas saath raho, na jao tum, bas saath raho (Saath mere raho na tum)
Shaama bhi jaane ki hona hai rakh woh phir bhi jalti rahe