Sa Aking Panaginip lyrics

[Chorus: Loraine]
'Di matanggap na wala ka na
Sa panaginip ko'y palagi kang nando'n
At tayo'y magkasama
Binabalikan ang mga nagdaan sa atin
Dahil 'di ako sanay nang wala ka

[Verse 1: Still One]
Magkahawak kamay, naglalakad sa tabing dagat
Tirik man ang araw parang langit 'pag nakayakap ako sa iyo
Tapos nakahawak ka sa'king braso
Nangangarap habang nakatingin tayo sa malayo
Ang dami kong hiling, ang dami kong gustong gawin
Mga bagay upang pag-ibig ko'y lalo mong damdamin
Gusto ko 'yung ganito, 'yung hawak ko ang 'yong kamay
Magka-akbay, parang wala na yatang papantay
Sa pintig na kakaiba, na hatid mo sa akin
Ako'y ganado 'pag ikaw ang kasabay kong kumain
Ang 'yong halik na ang dulot ay ngiti na abot tenga
Kaligayahan na hindi kayang mabili ng pera
'Di ko kayang isipin ang buhay nang hindi ka kasama
Naiisip ko pa lang ako'y parang maluluha na
Katabi kita pero ba't gan'to ang pakiramdam
Nalulungkot pa rin ako at labis na nasasaktan

[Chorus: Loraine]
'Di matanggap na wala ka na
Sa panaginip ko'y palagi kang nando'n
At tayo'y magkasama
Binabalikan ang mga nagdaan sa atin
Dahil 'di ako sanay nang wala ka
[Verse 2: Still One]
Ating kamay ay pinag-isa at ikinorteng puso
Tanda ng pag-iibigan nating hindi susuko
Sa kahit anong hamon sa ating pagsasamahan
Tumanda man tayo hinding-hindi magkakasawaan
Gusto ko, 'yung ikaw ay lagi kong sinusurpresa
Walang imposible pagdating sa'yo aking prinsesa
Dito tayo sa gitna ng hugis pusong kandila
Magpapaka-romantiko 'ko upang mapangiti ka
Mga litrato natin ay itatali sa mga lobo
Kakantahan kita kahit medyo wala sa tono
Maipadama ko lang kahit sa simpleng paraan
Kung paano kita mahalin at pahalagahan
Sinusumpa ko sa harapan ni Ama
Na sa lahat ng sandali at oras, mahal, iingatan kita
Pero bakit ganito ang bigat ng pakiramdam
Nalulungkot ako parang may problemang dinadamdam

[Chorus: Loraine]
'Di matanggap na wala ka na
Sa panaginip ko'y palagi kang nando'n
At tayo'y magkasama
Binabalikan ang mga nagdaan sa atin
Dahil 'di ako sanay nang wala ka

[Verse 3: Still One]
At biglang buhos ng ulan ang tulog ko ay naudlot
Panaginip lang pala sa tabi ng iyong puntod
Mata ko'y ipinikit, pinilit muling matulog
'Di alintana ang patak ng luha na nahuhulog sa'king mata
Kahit basang-basa na ng ulan
Hindi ko kasi alam kung pa'no pa sisimulan
Ang buhay ng 'di ka kasama, sinanay mo kasi 'ko
Na laging masaya at ang araw ko ay kumpleto
Wala na akong kasabay mag-sipilyo
Wala ng makulit, na uupo lagi dito sa binti ko
Wala na akong ka-subuan kapag kumain
Sa tuwing a-trese wala na 'kong susurpresahin
Wala na akong bibigyan ng bulaklak
At yayakapin sa harapan ng mga taong pumapalakpak
Wala na ang babaeng habang buhay kong mamahalin
Lahat ng 'yan tanging sa'yo ko lamang kayang gawin
[Chorus: Loraine]
'Di matanggap na wala ka na
Sa panaginip ko'y palagi kang nando'n
At tayo'y magkasama
Binabalikan ang mga nagdaan sa atin
Dahil 'di ako sanay nang wala ka
'Di matanggap na wala ka na
Sa panaginip ko'y palagi kang nando'n
At tayo'y magkasama
Binabalikan ang mga nagdaan sa atin
Dahil 'di ako sanay nang wala ka