Nady Elsed - نادي الصيد lyrics

[المقدمة]
يا ليلي يا ليل يا ليل
يا عيني يا عين يا ليل
يا ليلي، حودة حطبة
ياه، ياه

[فيلو]
كله يخاف ويكن شوية
راجعة القمة والليلة عيد
هنذيع وإصحوا للدخلاوية
بإسم عتاولة نادي الصيد

[حوده ناصر]
يا دنيا إتداري وخافي وكني
لعيالك هتحضري جني
لا هجرح في اللي يجرحني
وأذيع قد ما ربي يعيني
في لعبتي جاي تناطحني
طب قابل وإستلقى مني
في لعبتي جاي تناطحني
طب قابل وإستلقى مني

[فيلو]
لو تقدر تستحمل صدمة
هديك ضربة تكسر راسك
المهرجان ده عشان حودة حطبة
راجع يكتم على أنفاسك
[حوده ناصر]
آه من الإنسان لو كان دون
وغيته يخدع ويخون
صاحبك تديله في أزمته
ويطلعك إنت المديون
يموت ضميره يبيع ذمته
ويشغله شيطانه الملعون

[فيلو]
يا خلق ليه عايشين للدنيا؟
زحمة وهوجة وجهجاهون
من الأرض هنروح حتة تانية
فيها الحاكم رب الكون

[حوده ناصر وفيلو]
إعملوا مهما عملتوا وطحتوا
هيجي يوم وقت الحساب
للي بيجري ورا مصلحته
واللي باع أغلى الصحاب
لو في الدنيا يا ناس إرتحتوا
في الآخرة هتدوقوا العذاب
يا اللي بعقلكم سرحتوا
وخدتوا بشمالكوا الكتاب
هتروحوا في داهية ومصيبة
إلا اللي لحق نفسه وتاب
هتروحوا في داهية ومصيبة
إلا اللي لحق نفسه وتاب
[فيلو]
نادي الصيد هتشوف حملتها
وتاخد الطريحة ع البوابة
أحسنلك تبعد يا حيلتها
هنا للضربة الواحدة إصابة
والدخيلة ورجالتها
يعني المافيا مع العصابة

[حوده ناصر]
دنيا وهتلاعبك ألاعبك
لو تملكك مش هتسيبك
بالهيلة ولاد الحرام
آمن على رزقك في جيبك
عيش بالحب والإحترام
زي ما ترسي ويكون نصيبك
إرفع راية السلام
وإوعى تبيع واحد حبيبك

[فيلو]
إزاي هتعيش من غير خلك؟
الدنيا ناسها ما بيرحموش
صاحب صاحب زي ضلك
مهما يحصل ما تسيبوش
يرفع منك مش يقلك
زعلك والله ما يرضيهوش
من الخاين يا عم حلك
إبعد عنه وما تعاشروش
[حوده ناصر وفيلو]
إسمع مني كلامي يا فيلو
أنا هحكيلك ع اللي بيا
طب صارح صاحبك وإحكيله
قولي بسرعة يا شاعر الغية
هحكيلك كل الحكاية
بس إصبر وإستنى شوية
طب خد نفسك وأنا مستني
بس ما تتأخرش عليا

[حوده ناصر]
هحكي حكاية ومين بدايتها
أول إنسانة أنا حبيتها
وصاحبي اللي حكيتله عنها
من أول ما مسكت إيدها
سلمت عليها وقلتلها
إن أنا نفسي أسكن دنيتها

[فيلو]
ما أنا كده مش فاهم بأمانة
وضح حبة يمكن أفيدك
أريح روحك لو حيرانة
ولو غرقان أخد بإيدك

[حوده ناصر]
في نفس الوقت اللي أنا بحكيله
وأشكيله منها يا عم الفيلو
يفضل هو يطيب خاطري
وأنا برفع إيدي فوق وأدعيله
يضحكلي أما يبص في وشي
ويغنيلي وكمان أغنيله

[فيلو]
طب ليه مطلسم وقافش؟
ومحسسني إنها ع الزيرو
إحمد ربنا إنك عايش
وزميلك أبيض ضميره
ده في غيرك ١٠٠ ألف واحد
عاش مجروح من غدر غيره

[حوده ناصر]
طب بص إزاي جاتلي الطعنة
حسيت إني صابتني اللعنة
شفت رقمها على تليفونه
في نفس المكان اللي بيجمعنا

[فيلو]
يا نهار مش فايت على إيدي
قولي بسرعة قوام وإحكيلي
ضربت صاحبك ولا عتبته؟
ولا ما كلمتوش يا زميلي؟

[حوده ناصر]
ما كانش شاغلني إنه خاني
خوفي عليه اللي مزعلني
تعمل زي ما عملت فيا
والجرح في صاحبي هيقتلني
والجرح في صاحبي هيقتلني

[فيلو]
ما قلتلوش ليه وهو معاك
إنها خاينة ومش صايناك
والدليل إنك حبيبها
يعني ما بترميش بلاك

[حوده ناصر وفيلو]
حلفت هو ما صدقنيش
إنها ملعب قش وخيش
فكرك إنك كده ريحته؟
ده إنت ظلمته في لحظة طيش
سبته براحته أنا أصلي نصحته
وقلتله جرب ما تقوليش

[فيلو]
في الميري واخدين أعلى رتبة
وأي كلام ويانا بحساب
لو هتعادي في يوم حودة حطبة
النار هتفتحلك أبواب
طب قبل ما أقول التمسية
هذيع وأرص أنا أجمد بصمة
فيلو وتوني وشاعر الغية
القمة بالنسبالكوا أزمة

[التوني]
أختي حزينة عشان خالها
عمره ما فكر يوم زارها
يوم فرحها ما فكرشي
يحضر يجامل علشانها
أخويا باعني بأرخص سعر
لما عاتبته قالي أنا حر
ما هو كل واحد مصلحته
علشان يا أخويا الدنيا تمر
ما هو كل واحد مصلحته
علشان يا أخويا الدنيا تمر
يا دنيا ليه الظلم ده ليه؟
لا عم نافع ولا خال ليه؟
لا أخ يسند ولا صاحب
هما البشر قاسيين كده ليه؟

[فيلو]
نادي الصيد يعني أجمد هضبة
إقف قصادنا إلزم سكاتك
عم الدنيا يا ناس حودة حطبة
بضربة واحدة هينهي حياتك

[الخاتمة]