Aywa Ya Habibty Wahashtiny 2 - أيوا يا حبيبتي وحشتيني ٢ lyrics

[المقدمة]
ليه وحشاني؟
ليه وحشاني؟ ليه عايزها؟ مع إنها السبب في تعبي
نسياني بس بفتكرها وأما بنام بتجيلي في حلمي
(فيجو الدخلاوي)

[اللازمة]
أنا زعلان ونفسي أعيط بس خايف فيا يشمتو
لازم أشيل في قلبي وأسكت، كل ما صوتي يعلى بسكته
أكل العيش قطملي ضهري يا إخواتي أرجوكو إتصرفو
لما أعملكو حاجة في نفسي ما ترجعوش تعيطو

[المقطع الأول]
أنا قصتي دخلت قلبكو
علشان أنا إنسان زيكو
مجروح بكلامي جرحتكو
علشان من جوة لمستكو
مش ذنبي إن أنا عندي قبول
على طول بتحب ومقبول
الواحد لو مش معدول
عمره ما يسلم من نمكو

[اللازمة]
مينا البصل القباري راجعة تاني بإتحاد الكبار
فرحة إسلام فانتا في جبل نعسة وشارع تمانية دمار
صاحب أشهر قصة في مصر الجارح كريم البحار
الجارح كريم البحار سيطه في البلد علم على نار
أنا أول حاجة دمرتني إن أما شفت في أخويا الصفار
أنا ندمان بقول ياريتني كنت زمان واخد قرار
لو شافني هيصرفني، أيوه ع القسوة والمرار
عارفين لو خدني في حضنه هيشوف كمية الإنهيار
[المقطع الثاني]
هيشوف إن أنا حد نضيف
ولا صاحب مصلحة ولا كيف
ولا هعمري هسيبه في الأرشيف
والنعمة لأعمله برجولية
مش عايزه يضمني في عراك
أنا حمل دفنس وأتاك
عارفين لو قالي أنا وراك
والنعمة لأشيله جوة عنيا

[اللازمة]
كانو عايزين يفهموني إن الناس كلها مش تمام
وإن إخواتي حذروني فـ بقول ليه بيبوش الكلام
دمعي إللي سكن عيوني خلاني بتعذب لما أنام
مين الصادق إقنعوني أنا ولا الناس ولاد الحرام

[المقطع الثالث]
الناس كلها شمتت فيا
فضلت سيرتي تريند شوية
كل إللي إتكلمو عليا
والنعمة ما يعرفو قصتي
بس أنا ثقتي بنفسي كفاية
تغنيني عن كل إللي معايا
بعد ما ضيعت إللي ورايا
الناس كلها بعدت عني
[اللازمة]
مهما بتكتر الأغاني قصتي هتفضل في التريند
روحت عملت جزء تاني علشان أمشيها معاكو عند
الدبابة لما يحضر يبقى مافيش أي ظهور لحد
كنت بعدي كل مرة والمرة دي هتكلم بجد

[المقطع الرابع]
هتكلم ع إللي حصلي
من أقرب ناس كانت مني
الناس كلها سمعت عني
وبدأت أتشاف وسط الباقي
والحال إتغير وبقيت
إنسان متحاوط بالسيط
السيط لما حدفني في حيط
حسيت روحي إتردت تاني
أنا بطل العالم في الجرح
أنا أقوى منافس للفرح
أنا لما إخترت أمشيها صح
إللي معايا إتحولو ضدي
حتى إللي أنا حبيتها إختفت
على واحد غيري إتعرفت
بس أما سابتني إتأكدت
إنها عمرها ما تلاقي زيي

[اللازمة]
ليه وحشاني؟
ليه وحشاني؟ ليه عايزها؟ مع إنها السبب في تعبي
نسياني بس بفتكرها وأما بنام بتجيلي في حلمي
أنا نفسي أترمي في حضنك يا إللي بعادك عني آذاني
أنا من قلبي عايز أقولك أنا بعدك مش عايز تاني
أيوة أنا بقولك وحشاني
أيوة أنا بقولك وحشاني
[المقطع الخامس]
قلبي بيصرخ من أجلها
تعبان نفسياً بعدها
وأنا نايم بنطق إسمها
قولت أما أتجرأ أكلمها
قولتلها وحشتيني على فكرة
قالت مين علشان مش فاكرة
قولتلها إفتكري إللي ما بينا
راحت قافلة في وشي السكة

[اللازمة]
إللي يحب في الزمن ده غلطان وهيبقى أكبر عبيط
كل النسوان النهاردة عايزين يا فلوس يا سفر يا سيط
حب زميل يكون في ضهرك ما تحبش بنت لتتآذى
آخرت أي واحد بيحب سرير في عناية مركزة
سرير في عناية مركزة

[المقطع السادس]
إنت إللي شايلني في محنتي
إنت إللي شاركت في فرحتي
على حسك عايش دنيتي
إنت اللي سالكلي في بفتي
إستحملتني وأنا زعلان
وتملي معايا وأنا فرحان
أحسن حاجة إنك فهمان
وبتفهمني من نظرتي
الظلم مصاحبك يا إبني أمي
نفسي تروحلي وتحضني
السجن يا أخويا واخدك مني
ربنا يسترها معاك أشقو
والنبي ما تعملش مشاكل
أنا عارف إن إنت يا أخويا راجل
إطلعلي عشان أرجع عاقل
الواحد في بعدك نسى عقله

[الخاتمة]
الفارس أحمد الشاب أخطر محارب قائد العمرية
إذكر إسم أحمد الشاب تخلص الشغل في ثانية إلا ثانية
فارس عدى حدود الموت، الشاب يا عم في حتة تانية
أحمد الشاب ده مشرفني وماليش غيره في الدنيا
صاحب أشهر قصة الجارح كريم البحار تريند يا زميلي
أنا حبيتك وجرحتيني وأيوة يا حبيبتي وحشتيني
إسلام فانتا چنتل شارع تمانية سيطه أغلى من الفلوس
بيمسي على الباشا حمو البيه عبد الجليل وجيهة باكوس