Talqate Rashaqa - طلقاتي راشقة lyrics

[المقدمة]
(حصريًا على موقع مهرجانات دوت كوم)
شرقان سعادة، عطشان يا سادة
همي زيادة والفرح طار
لو في كافيه الفرح فيه
هسكن مكانه ممنوع مراويح
(ماندو العالمي)

[المقطع الأول]
چنتل واد شيك أناقة
بموت يا ناس في الشياكة
ما أحبش أنا التناكة
واللي يتنكها أخده علقة
إسمع إوعاك تبرطم أزوق
أنا يالا غير صحاب السوق
يا ريت تعقل كلامك فوق
لأسقط أبوك بطلقة

[اللازمة]
طلقاتي راشقة في مظاهر نشأة
يا إبني اللي يشقى غير اللي طال
إسمع كلامي في كتير أسامي
بانو في منامي عاملين أبطال
كابوس وعدى، ده حديد وصدى
كشف الطبيعة كشف الأندال
أولها حبي وتانيها خبي
وتلاتها قلبي يطلع مكسور
مسيرة سايرة، أصحاب وطايرة
الدنيا دايرة، الكوكب بور
إبن الغوالي مضروب بآلي
وإبن الجواري أخد الدستور
[المقطع الثاني]
عايش في عالم فضائي
المحترم كيميائي
تملي فاتح هوائي
الكيميا خليته فاقد
يخرب بيت الكيوف لعنة
ما فيش واحد يابا نفعنا
قالو إشرب دي ليها معنى
ده معنى الكيف هكون راقد

[اللازمة]
شرقان سعادة، عطشان يا سادة
همي زيادة والفرح طار
في القهاوي بس الحكاوي
ما فيهاش مداوي مليانة تمثيل
لو في كافيه الفرح فيه
هسكن مكانه ممنوع مراويح
شبعان مشاكل، أنا لسه واكل
أخصام هياكل باعوني زمان
علشان سيجارة وطمع في تارة
وحريم إعارة المستور بان
باعوني وش، الطلقة رش
في الضهر قش وإظهر يا جبان

[المقطع الثالث]
كاشحك بتحب تهري
تملي تقول في ضهري
ده إمتى تيجي دُغري
بتحب تيجي بحودة
حاسب ما أنا مش بشيل طلبات
أنا بشيل وشوش بابات
لو الشغلة على مطاردات
بصيع وبأعلى جودة
[اللازمة]
عندي حبيبتي بنتي وخطيبتي
إنتي قريبتي أقرب فرس
من نظرة منها بثبت مكانها
يا جماعة دي محتاجة حارس
بتخطي مرة لو أي درة
تلمحها من الغيرة تتفقع

[المقطع الرابع]
صاحبك اللي معاك في الموت
مش اللي طلع مسدس صوت
ما فيش فيكم واحد مظبوط
ده كله طلع على الريحة
اللي بيجي بريحة دخان
كإنه جه على برفان
دي حزمة وجمعت الخرفان
بتموتو في الفضيحة

[اللازمة]
صايع بحرفة، لو ألف شفرة
مالهمش صرفة، دولا إشاعة
أبطال كتيرة شايلين ذخيرة
بلا وكسة نيلة، نو أقنعة
أديكو شوفتو عيل بشخة
هكر كام مليار كام ساعة
مش بالدراع، شوف كام شجاع
جالهم صداع من اللي جرالهم
يا إبني الدماغ تعمل بلاغ
وقت الفراغ في شيطان زارهم
الخوجة وضحة، تبدأ بنطحة
واللي يخططو محسوبالهم
[المقطع الخامس]
إنسو إن أكلتو عيش أو ملح
عشان مش كله جرح في جرح
خصمت حد ممنوع الصلح
برحله يابا ع الدفان
راحل في بلاد ما فيش فيها حد
أربع حيطان وبابهم سد
بشوف النور أنا بتخض
عشان ما أشوفش أي جعان

[الخاتمة]
حمو الطيخا الأفيونة
بيقولكو إستنونا
ماندو العالمي ده أساس
والباقي خدله صابونة
شمس الناسف رقم واحد
كلماته يا زميلي مسنونة
مؤمن النبوي ده الإدارة
إحنا الناس يابا بيحبونا