Sakfa Le Aragoz Elmanteka - سقفة لأرجوز المنطقة lyrics

[المقدمة]
ربيت كلب مالوش كتالوج
أنا شديته من وسط الموج
كنت خاربها جيهات برعبها
ومعوج على أطخن معوج
خلاني يرجع فيا شبابي
ما أنكرش أنا باظت أعصابي
شغلت دماغي المسجونة
قرصة ودان أصفي حسابي
(ماندو العالمي)

[المقطع الأول]
سقفة لأرجوز المنطقة
إللي ماشي في جنبه بمعلقة
أنا بنتدبك عاوزك طالبك
مش عريك يلا إسحب بقى
ولا تمامك ع البوستات
حلوة شوفيني صبيان وبنات
إنت ألا خريج كيچي نتانة
وأنا خريج عنبر جنايات

[المقطع الثاني]
سكينة سلك ودرع حماية
سحابة ستة شايلها ورايا
لو تتشد مع أي حد
أجعص جعص سكنته عناية
إيه يا جراوي عايزة دراي فود
إيه يا لبوات على شكل أسود
جولتكم كلها شتايم
وأنا جولتي فيها قطع خدود
[المقطع الثالث]
يوم الفرحة إصحالي وفوق
عمار الحنش ده فوق الشوق
فرحك جوة أرض خطاب
في نمرة أربعة عزبة زقزوق
سليم الحنش الإمبراطور
في الجدعنة يابا ليه دستور
حوده الحنش القلب الأبيض
مسا من أجله المسا ده بيور

[المقطع الرابع]
شكلي يا هتية إتخميت فيك
فاكرك فاكرك وإنت أتاريك
بتنام على صوت النحنوحة
وأنا نايم على صوت بوازيك
جاي لوحدك ولا بكلب
ولا رافع حباية للقلب
لو في حكاية وفيها ضحية
بعرف إنك ميت ضرب

[المقطع الخامس]
زي ما في علاج للأمراض
ليه مافيش دوا بقى للإرشاد
ولا في دوا لأنتن مستوى
إللي تمامه قول وإستعراض
يا إللي بتعملو فيها تنانين
نفسي أعرف مين عور مين
كلها بتصدق نفسها
البركة في أم الحبيتين
[المقطع السادس]
ربيت كلب مالوش كتالوج
أنا شديته من وسط الموج
كنت خاربها جيهات برعبها
ومعوج على أطخن معوج
ربيته قولت أكسب فيه ثواب
بعد ما كان بينام ع الباب
خدته في حضني وقولت ده إبني
وكله صبح يعمله حساب

[المقطع السابع]
كان عقدته ناس قلين منه
وكبير وصغير بيرنه
بالمسجنة زائد المعلمة
خليته خد حجم أكبر من سنه
كنت بقوله عشان تتميز
لازم تعمل قرش كويس
جيب القرش بعقلك يا إبني
فلوس هتخليك الريس

[المقطع الثامن]
شوفته في عيني إبني إللي ما جاش
بس محبتي ليه ما شافهاش
بقى شايف نفسه ده من غيري
كإن جميلي عليه ما عداش
عمل القرش وعمل السيط
فاكره غلوبة لقيته حويط
نسى الأصول بدلها بغله
وبقى يفتري ع الناس ويزيط
[المقطع التاسع]
كل الناس تيجي تشتكي منه
وأنا من جدعنتي بشيل عنه
لما وجهته وخدته في حضني
ده راح زقني يا زمان من حضنه
إستغربت وعينه في عنيا
بيزقني ويرد عليا
قولتله آخرك أسيبك وأمشي
أنا ما رضيتش أمد إيديا

[المقطع العاشر]
هنسى نفاقه وهنسى قسوته
أنا من قلبي مسحت غلاوته
هنسى إن أنا ربيته على إيدي
أنا هفتكر بس غباوته
بعمل مصلحة نطلي فيها
وقف قالي يا فيها يا أخفيها
روحت ضحكت في وشه وقولت
ده إنت كبرت يا كلب الجيهة

[المقطع الحادي عشر]
خلاني يرجع فيا شبابي
ما أنكرش أنا باظت أعصابي
شغلت دماغي المسجونة
قرصة ودان أصفي حسابي
جبت واحد على هيأت تاجر
قولتله صفقة سريعة يا راجل
إنت هتعمل ديلر بدرة
إرمي الكعب قصاد الفاجر

[المقطع الثاني عشر]
راح الديلر قال للفاجر
محسوبك متسيط تاجر
وكبيرك كان طالب شحنة
قاله كبيري صبح مش قادر
الشحنة بتاعتك تلزمني
أنا كبير الجيهة إفهمني
إمسك كاش كده وصل حقك
قولي معاد يابا فيه تسلمني

[المقطع الثالث عشر]
جيه يستلم إبن القادرة
خد الشحنة ولبس الفردة
تليفونه رن لقاني بقوله
مبروك إلبس سكر بدرة
قرصة ودن عشان تتعلم
إنك صبي وأنا لسه معلم
جتله الجلطة من إللي إتقاله
فقد القول ما بقاش يتكلم