Al3glh Bdat Tdwr - العجلة بدأت تدور lyrics

[المقدمة]
العجلة بدأت تدور
عركة في عركة بقيت مشهور
نسيت زمان عم الفرفور
وبقيت شخص جاحد
(العربي برودكشن)

[المقطع الأول]
كلك ألغاز، ما إنتي محيرة كل الناس
عشت محترم، للدنيا عملت خدي مداس
والبني آدمين مش سالكين، ما فيش إحساس
بيحترموا قليل الأدب، بيحبوا الهلاس
ما فيش صحاب ولا أحباب، كله بيخون
أنا نفسي أصاحب راجل جدع يكون بيصون
ما أنا كنت حلو ورايق، ليه خليتوني مجنون؟
هكسر فيكوا، خلاص هعميكو ورب الكون
هو خلاص ما فيش إحساس وسط البشر؟
مش عايز أعرفك وإنت برضه بتتحشر
يا عم إبعد عني وسيبني في حالي عشان خطر
إرفع سكينة هديك قناصة، جاتلك قدر
إرفع سكينة هديك قناصة، جاتلك قدر

[اللازمة]
صاحبت صاحب شيطان
كل يومين أروح سكران
أمي تبكي وأبويا حيران
وأنا مش شاغل دماغي
العجلة بدأت تدور
عركة في عركة بقيت مشهور
نسيت زمان عم الفرفور
وبقيت شخص جاحد
[المقطع الثاني]
ده المخزن بقى مردوم رجالة
وسلاح وفلوس بالكوم
كل ما أحط راسي ع المخدة
بحس بجبل هموم
بس شيطاني قاسي ما إستسلمش
خلاني أحب وأموت في القرش
إخرب وإضرب عبي الكرش
إنت بقيت البريمو
فوقت بعد فوات الأوان
رحت لأبويا قلتله زهقان
من الكيوف ومن الدخان
نفسي أرجع لحياتي
قالي بص لغيرك وغير
لسه بدري، العمر طويل
إنت شاب وفي العشرين
مش معجز زي حالاتي
نفسي أشوفك يا إبني كويس
قدام عيني وفي حياتي
نفسي أشوفك يا إبني كويس
قدام عيني وفي حياتي

[المقطع الثالث]
شمال شمال عيشتنا شمال
صحبتنا صحبة يا ناس أندال
ده أنا لما عوزت صاحبي في شدة
قفل تليفونه، سابني يا خال
نفسي أشوف راجل جدع
يكون تمام مالوش مرتجع
نمر تدور وأنا هتوجع
دي الرجولة بقت مقتولة
بعدك ياما ماليش أحباب
أيام تعدي عليا خراب
بعدك يابا العيشة هباب
البيت مالوش حس، بقى سراب
ده الصاحب تاه وسط إللي تاهوا
أخويا باعني ونسي أوجاعه
وكل ما أروح لحد بابه
إبنه يقولي نايم تعبان
ما تجيش يا عم هنا تاني
أخويا قالي بقى إنساني
وأنا لما مسكت فلوس بالكوم
ده جالي بيتي، عرف عنواني
بيقولي واحشني يا إبن أبويا
قلتله وإنت حبيبي أخويا
وصفتله في ثانية إلا ثانية
وقلت لنفسي يطمع ليه؟
ده أخويا ودي دنيا فانية
هيخاف عليا هبكي عليه
ده أخويا ودي دنيا فانية
هيخاف عليا وهبكي عليه
[الخاتمة]
ميزو والمدفع للإنتاج
حمو طيخا ده صوته هلاك
قلنا الشامبو قلم فتاك
مؤمن نبوي يا أحلى إدارة
ليلي ليلي ليل أليل
(العربي برودكشن)