Ana Ayesh West Modmnen - أنا عايش وسط مدمنين lyrics
by ZIAD ZAZA - زياد ظاظا
[المقدمة]
(بس من غير ما توَّكر)
(ولا حد يرشد ويصوَّر)
(أبيع من غير ما أمسك على إيدي)
(ولما تظبط هنبطَّل)
(Ot Karmoz only one)
[المقطع الأول]
حمد الله بسة، إبعد يا حبس
المرة دي عدت أمان
لسه الحكومة دايرة كبس
وكاتب أمي أعز الناس
وصاحبي واكل لحمي هبش
ما كبَّرناش قدام الناس
ومن النهاردة ما فيش همس
هقول من قلبي ولا عزاء
أنا عايش وسط مدمنين
وأنا إللي عايز أكون نضيف
ما لقيتش نفسي في الحشيش
ولا جرَّبت الكيتامين
وطول عمري ماشي يمين
بعيد عن المسجلين
وإتشاقيت حبة في الشارع
وليا إخواتي منحرفين
وإتشاقيت عشان إتأذيت
كنت متسيط في المحيط
وجالي عيل طالب سيط
وما بتجيش غير من القليل
خدت خبطة خلتني أغيّب
ومن ساعتها عايش أشيّل
بس عالم الله العظيم
ما جيتش يوم على ضعيف
[اللازمة]
ما كنتش حابب أوصل لكده
ما إتخيّلتش قفلتها كده
ما كنتش حابب أوصل لكده
ما إتخيّلتش قفلتها كده
بس الحاصل حصل يا قلبي
(بس الحاصل حصل يا قلبي)
وما كانش في بالي تقفل كده
[المقطع الثاني]
وعِشت بقيت إنسان مخيف
بيكبروني عشان خايفين
بقيت واحد من المنحرفين
وما كانش في حسباني ولا خيالي
وجبروتي ساقني وعماني
بقيت أخطر راجل في مكاني
ودخلتي قسم كانت بمزاجي
روح إنت يا باشا وراك وأنا هآجي
وما جاش في بالي هتدور
والحالة تنشف تدهور
وما يبقاش في غيره قدامي
إني أبيع هوا بينوَّر
[جسر]
بس من غير ما توَّكر
ولا حد يرشد ويصوَّر
أبيع من غير ما أمسك على إيدي
ولما تظبط هنبطَّل
[المقطع الثالث]
حوَّدت بيا الدنيا تاني
يا دوب بمسك قرش إتنادالي
وإتكلبشت خلفي وأمامي
يا مرشدين قُمتوا بالواجب
يا باشا فتِّش حتى لو حابب
رافع حاجبه الباشا ومش عاجب
عاملني كويس وحياة والديك
وأمك مش أحسن من أمي
وإداني الظالم حاجات مش حاجتي
حكم عليا بأيام من عمري
مسيري أشوفك تاني يا أمي
وأرجع في حضنك وأحكيلك
طلعت من دول على خير
بس إتظلمت في أمر قديم
كتبت على صدري الحزين
أحن مخلوق هو أمي
[اللازمة]
ما كنتش حابب أوصل لكده
ما إتخيّلتش قفلتها كده
ما كنتش حابب أوصل لكده
ما إتخيّلتش قفلتها كده
بس الحاصل حصل يا قلبي
(بس الحاصل حصل يا قلبي)
وما كانش في بالي تقفل كده