Superman - سوبرمان lyrics

[اللازمة]
فوقعت من آخر دور وقالوا مات
لو كنت مكانهم كنت هقول نفس الكلام
بس المفاجأة إني قمت وبقيت تمام
في اللحظة دي إكتشفت إني سوبرمان

[المقطع الأول]
بجري وبفك الزراير
إيديا لقدام وأنا طاير
ألمسلك السما؟ أنا طايل
فوق فشايفكو خرايط
ظاهر بينكو، مش متكمر
جامد، مش محتاج أنمر
ما جربتش أبني ولا مرة
بعرف بس إزاي أدمر
بس ولقيت الصلب بقى في إيدي صلصال
كل اللي بيجي في طريقي بيتصاب
إكرهني براحتك يا حبيبي وإتغاظ
تنهش لحمي هتلاقيني جزار
سبكي مسيطر
دماغ اللي رمى طوبتي شايطة
نازل صايدك، بكل تقلي شايطك
شغلي وده برضه شغلي أيضًا
بدب برجلي بتنزل تجري
إحرق وإغلي، مش هتجبني
وحب الناس اللي عاملني
ماسك فيا مش بيسبني
الجرح بقى بيلحم لوحده
لا خلصتوا مني ولا إرتحتوا
وبكده ما بقاش في نحنُ
المصطلح كان واخد مكان فمسحته
[اللازمة]
فطلعتلهم تاني فوق فقالوا عاش
وإستنيت الإعتذار منهم ما جاش
الواحد برضه ما بيتعلمش ببلاش
والتكرار بيمنع الإندهاش

[المقطع الثاني]
الشك كان فيا وكان لازم أقتله
إتعلمت بالصبر أبقى بارد وأغلبه
أول ما ألاقي عقارب ع القارب أقلبه
مهما كان قيمته مش فارق، بدله
ياما سمعت منكو كلام
وإستحملتكو كمان
ولا أقولكو بلاش
هفوركو كلكو، مزاد
فاكرة لما كنتي تقعي بنقذك
مش زيك أشوفلك كده أقوم أتبسط
أرجو يكون كلامي وصل
حذر فظر مين بيتصل
كل ده لسه ببتدي
نامي ع الشوك وإتمددي
عمري ما كنت هشتري
طول عمري ببيع زي معمار المرشدي
لأ، ده أنا ههد وأردم
غرقت الشمس، نورها طفا
يؤسفني إني أقولك يا فندم
كان بودى إني أقولك يا قفص
جوافة، جوافة، جوافة
قلوبهم ضعيفة وخوافة
كنت فاكرك حاجة طلعت حاجة
كنت فاكرك مت، عاش مين شافك
[اللازمة]
جيت على نفسي وقمت قارص
وكل حاجة كنت بحبها طارت
لو ده ما كسرنيش يبقى أنا خارق
طول ما اللي خالقني مش بيسبني خالص

[المقطع الثالث]
كل عقدة جريت منها
لما وقعت حصلتني
بس إتضح إن الوقعة
كانت أحسن حاجة حصلتلي
لولاها كان زماني إنتهيت
خليتني كتبت أغاني إتلهيت
مش يمكن دلوقتي أكون توهت في دماغي ونسيتني
ما تعرفهم تاني إنت إيه
خارق، وأنا مش ضارب
الترابيزة إتقلبت خالص
سنة بتعدي وسنة بتماطل
مش هنكمل، أنا مش ناقص
لو ليك فيها يا زميلي إرجع بضهرك، أنا شارع سد
سبت الملعب من زمان ولأ لأ مش متابع حد
كل اللي إتبعتر هنلمه
شفت المفتري والدنيا بتذله
مش كنتوا بتتبروا منه؟
إشمعنى دلوقتي بتزنوا؟