Salby - سلبي lyrics
by Abyusif - أبيوسف
[المقطع الأول]
عزيزي القاريء، تأليفي هابط
خبط فيا براحتك، أنا Easy target
شاب سطحي، كتاتكيتي باضت وطارت
بتعلم من إللي فات
مش طايق أكلم نفسي فبكلم الدشات
سلم بالشمال، اليمين طريق إتقفل
يا تعيش أسير لحلمك يا تلاقيه إتقتل
خمسة حداد ع إللي فات، الأيام كلها إتنست
شايف في المراية ليه الناس كلها إختفت؟
كانسل عيد ميلادي وإتكلم إلغي التورتة
تبقى ماشية معاك إمبارح وتلاقيها بتجري بكرة
بمثل المسلسل كله بنفسي، هعمل ست أدوار
هكتب كلام سلبي، مش حوار
غرقان في الإكتئاب فما حستش بنار الغيرة
شميت ريحة الخيانة، ما كنتش ضارب بيسة
محتاج جراح يحط العقل ده في جسمي تاني
بايع القضية، ماضي العقد بإسم تاني
بايع القضية، ماضي العقد بإسم تاني
بالإذن يا هاني، هبل مانديلي بالندم
بس Still أنا مناخيري في السما
توهت مني، توهت مني مش لاقيني
راحت مني خالص وشكلها مش هتيجي
كنت بشتغل وأتحب وأسافر
لحد ما إدماني ما بقاش سر
خدت حاجة؟ ما خدتش صدقني
قلت لأ بس ما حدش صدقني
الفاشل أسد، ما فيش غابة للشطار
بحاول ألاقي الفرق بين البني آدم والصرصار
الغبي بيخش، فإللي زيي بذوقه بينسحب
تشوفه بيتكلم، نفسك تشوفه بينتحر
وده ٩٠٪ من إللي هتقابلهم
خدهم روحوا في داهية وأنا هجيلكم
بارد، مؤذي، سلبي، مادي
نفسي أسيب نفسي وأمشي
[المقطع الثاني]
الواقع لمبة بحرقها وبقعد في ضلمة الوهم
حاطط على راسي تفاحة ومستني ضربة السهم
قلقان نوعًا ما، ضربات قلبي بتطبل
عرض وطلب، لو طلبوك غلي بـ Double
غني وإنبطح، الطماطم طايرة
فيرس لسه فاصل، ستايلك لسه واصل، غير
عندي PC Laptop، هو عنده MacBook
أنا بعمل تراكي، هو بيعمل حواجبه
ده عدل ده يا سامي ده ولا هطرشه؟
أروح لتهامي ده وأقوله هات رشا
باجي سنتره ونرجع لأول الماتش
نزلت الشخصية، لسه بكون الشخص
بلوث الفصل، بكتب بدمي ع السبورة
قاعد مستني حد يجي يسألني ع الفزورة
ويكسب بيت ليه بتفرح يلا بيت
يا تركب يا تتركب، تصبح على خيل
جرى إيه؟ مش هسيب البيت من غير إيدي
يا ترى في ميكي جيب في جيب ميكي؟
أسئلة مالهاش ردود، متقفلة ترباس كالون
جبتك هنا عشان تقول مش ذنبنا الناس بتقول
اثبت هنا ها سكوت
هنسجل صوت ف البلاتوة والصراحة بقرف
بنقدم توم ف الجاتوه
بقرى وبعمل جبنة بلبن
بضرب وأداعب منة بشنبي
بدعبس ف ساعتك وأحاول ألاقي لحظة
لاغي براحتك بس قول لنصي التاني صحصح
البفرة ف درجي التحتاني جواه
قاتل جماجم بروس اتحداني ومات
متبصليش وتحسسني اني واكل اكلك
رعد ف المسلسل هخلي كابتن ماجد يفلقس
خلي الناس تسيب الغنى وتفكر
الغربان كتير بس الجثث أكتر
[الخاتمة]
سلبي .. سلبي .. ملكوش مكان ف قلبي
مش عايز رأي حد أنا بغني لنفسي
مليش عزيز المهم الوقت يعدي
علامة النقص واضحة فيا لإني سلبي
سلبي .. سلبي .. ملكوش مكان ف قلبي
مش عايز رأي حد أنا بغني لنفسي
مليش عزيز المهم الوقت يعدي
علامة النقص واضحة فيا لإني سلبي
عيل كئيب فاام ؟ اشطه يعني
نص الكباية الفاضي فاام الفاضي
والكوباية كلها مليانة أصلا
مفيش أصلا نص مليان
واللي مليان دا مليان مياه او حاجه أصلا
مبتتشربش ولو اتشربت هتسممك فاام
وأصلا مفيش كوباية أصلا