Palzlied lyrics

[Songtext zu „Palzlied“]

[Strophe 1]
Warscht du ämol uff de Kalmit odder uff de Dahner Heh?
Hoscht du ämol amme Herbschtag meuens die Newwel steige seh?
Bischt mol barfuss dursch die Wies gerennt oder unner Bäm
Disch blo hiegelet, die Are zu un äfach bloß geträmt?

[Refrain]
Des wär alles nix Besondres, sagscht du, un du mischt jetzt geh
Weil es geb außer de Palz jo a noch anneres zu seh
Sischer hoscht du rescht, wann du sagscht, dass ders annerschtwu a gfallt
Awwer annerschtwu is annerscht und halt net wie in de Palz

[Strophe 2]
Warscht im Summer amme Baggerloch, hot disch e Schnok gejuckt?
Ja, und du hoscht de liewe longe Dag bloß in die Luft geguggt
Warscht du owends mit me Sunnebrandt uff doim Balkon geleh?
Und du hoscht beim Sunneunnergang die Schwalwe fliege seh

[Refrain]
Des wär alles nix Besondres, sagscht du, un du mischt jetzt geh
Weil es geb außer de Palz jo a noch anneres zu seh
Sischer hoscht du rescht, wann du sagscht, dass ders annerschtwu a gfallt
Awwer annerschtwu is annerscht und halt net wie in de Palz
[Strophe 3]
Kennscht du Trippstadt, Hertlingshause, Grünstadt, Eiseberg un Forscht?
Hoscht du ämol uffme Woifescht denne Leit dort zu gehorscht?
Drinkscht du gern e mol en Schorle und ischt gern a Lewwerworscht?
Gehscht du äfters in die Volle und hoscht mehr wie annre Dorscht?

[Refrain]
Des wär alles nix Besondres, sagscht du, un du mischt jetzt geh
Weil es geb außer de Palz jo a noch anneres zu seh
Sischer hoscht du rescht, wann du sagscht, dass ders annerschtwu a gfallt
Awwer annerschtwu is annerscht und halt net wie in de Palz