Tutte parole perdute mmieza via
So' venut' a casa mia...
So' tutte stelle cadute mmieza gente
Una è d'oro e ll'ate nun so' niente.....
E sto' aspettanno ca se fermo viento
Assettata sott' a 'na luce argiento...
Ogne parola è addeventata sciore
Chella d'oro è addeventata ammore....
Comme ll'acqua va',comme ll'acqua vene e va'
Aspetto ca me ven' a truva'....
Comme ll'acqua va',comme ll'acqua vene e va'
Aspetto ca me me ven' a piglia'....
Ammore aggio perduto
Ammore aggio truvato
L'ammore ca pe' mme
S'è semp' annascunnuto
Ha sempe pazziato
Mò' s'è fermato ccà....
Comme ll'acqua va',comme ll'acqua vene e va'
L'ammore mò' me ven' a truva'.....
Comme ll'acqua va',comme ll'acqua vene e va'
L'ammore mò' me ven' a piglia'.....