Serenata arraggiata lyrics

[Testo di "Serenata arraggiata"]

[Strofa 1]
Balcone 'nchiuso e ffemmena crudele
E pperdere 'e suspire a nniente vale
Io pe' 'stu viento tengo pronte 'e vvele
Sentimentale mo nun songo cchiù
Lasso 'a chitarra e ppiglio 'o jazz pe' tte scetà
T'aggi' 'a stunà, t'aggi' 'a stancà, m'aggi' 'a sfrenà!

[Ritornello 1]
Serenata arraggiata, 'ntussecata d'ammore
Miette 'a notte a remmore, chella 'ngrata m'à dda sentì!
Cu cchill' uocchie 'e smeraldo me mettette 'a passione
Po chiudette 'o balcone e 'sta smania me fa 'mpazzì!
'A chella sera, sott' â luna e ssott' ô viento
Cu 'a chitarra, che tturmiento, pe' 'sta bbella a ssuspirà!
Serrenata arraggiata, 'ntussecata d'ammore
Arravota lo core e ssi chella durmenno sta
Scetala, sì, pecché forse se sonne
A 'n'at'ammore ca nun 'a fa scetà
S'à dda scetà, s'à dda affaccià, m'à dda guardà!

[Strofa 2]
Ca folla cca s'è fatta dint'ô vico!
'Sta serenata jazz à miss' 'o ffuoco
E tutte quante aspettano cu mmico
Tu quanno 'stu balcone vuo' arrapì?
Teng' 'e guaglione a centenare vicino a mme
Ma tutte, oje né, nun so' pe' mme cchiù bbelle 'e te
[Ritornello 2]
Serenata arraggiata, 'ntussecata d'ammore
Miette 'a notte a remmore, chella 'ngrata m'à dda sentì!
Cu cchill' uocchie 'e smeraldo me mettette 'a passione
Po chiudette 'o balcone e 'sta smania me fa 'mpazzì!
E jammo, jammo, figliulille e ffigliulelle
Mamme e pate e guagliuncielle, aiutatemi a cantà!
Serenata arraggiata, saglie 'ncopp' ô balcone
Cu 'ammuina 'e 'sti suone tu pe' fforza lle a ffa scetà!
Dille ca 'n'at'ammore cchiù ssincero
Pe' tutta 'a vita nun 'o po' maje a ttruvà
"Si nun parle cu ppapà, quella nun se va affaccià"
"Che dicite? Eccomi qua! Corro subito a pparlà
Pe' mm' 'a spusà!"