’Na vocca ’e femmena lyrics

[Testo di "'Na vocca 'e femmena"]

[Strofa 1]
'Na rosa 'mbocca e n'ata rosa 'mpietto
Ddoje rose fresche, profumate e belle
Me diste chella 'e pietto e me diciste:
"Si vuò chella d' 'a vocca, pigliatella"
E i' nun perdiette tiempo e cu' 'na mossa
Te muzzicaje chesta vucchella rossa

[Ritornello]
'Na vocca 'e femmena è 'nu destino
Se chiamma tuosseco e felicità
Te pò fà chiagnere, te pò fà ridere
Te pò distruggere o te fa campà
'Na vocca 'e femmena chesto pò fà

[Strofa 2]
E fuje 'na rosa ca ce 'ncatenaje
E ce facette suspirà d'ammore
'O velo 'e sposa steva priparato
Cu' 'e ciure arancio d' 'e ciardine 'n fiore
Ma tu c' 'a diste a n'ato 'a stessa rosa
E mo a che serve chistu velo 'e sposa?

[Outro]
Te pò fà chiagnere, te pò fà ridere
Te pò distruggere o te fa campà
'Na vocca 'e femmena chesto pò fà