’O ritratto ’e Nanninella lyrics

[Testo di "’O ritratto ’e Nanninella"]

[Strofa 1]
Caro pittore
'Mméscale cu 'o penniello 'sti culure
Provate a fà 'nu quadro di valore:
Pittace 'na matassa 'e seta nera
Pittace ddoje curvine scure scure
'Na fravola zucosa
E 'na schiuppata 'e rrose, rrose thè

[Ritornello]
Chist'è 'o ritratto
'O ritratto 'e Nanninella:
Suspire e vase ardente
Prumesse e giuramente
Bellezza e vanità
Chistu ritratto
Io ce 'o manno a Nanninella
Che fa si m'ha lassato?
Si ammore mo è fernuto?
Chistu ritratto
Nce ll'aggi' 'a mannà

[Strofa 2]
Caro pittore
'Mméscale cu 'o penniello 'sti culure
Pròvate a fà 'nu quadro di valore:
Pittace 'na tempesta 'mmiez'ô mare
Pittace, atturcigliata a ciento core
'Na vipera maligna
Cu ll'uocchie 'e ffuoco, pronta a muzzecà
[Ritornello]
Chist'è 'o ritratto
'O ritratto 'e Nanninella:
Suspire e vase ardente
Prumesse e giuramente
Bellezza e vanità
Chistu ritratto
Io ce 'o manno a Nanninella
Che fa si m'ha lassato?
Si ammore mo è fernuto?
Chistu ritratto
Nce ll'aggi' 'a mannà

[Outro]
Chistu ritratto
Io ce 'o manno a Nanninella
Giacché dimane sposa
Lle voglio fà 'a surpresa
Chist'è 'o regalo 'e nozze
Ch'aggi' 'a fà!