Zì Gennaro rock ’n roll lyrics

[Testo di "Zì Gennaro rock 'n roll"]

[Strofa]
Zì Gennaro quanno pigliava
'E dinare d' 'a penzione
Cammenava alla perfezione
Sparagnava pe' ll'astipà
Ma sentette 'nu rock 'n roll
E da tanno, 'stu vicchiarello
Va currenno p' 'e ssale 'e ballo
Tene 'a freva pe' ghì a ballà

[Ritornello]
Appena 'e ccoppie ballano, nun c'è che ffà
'O vire ca se fricceca, se move già
'E ggamme nun resistono, frenà nun pô
P'abballà 'nu rock 'n roll
P' 'a sala 'o vide 'e correre a cca e a lla
E vô 'a cchiù bella femmena p' 'a jì a 'nvità
Si cchiù sfrenata è 'a musica, sfrenà se vô
P'abballà 'nu rock 'n roll
E cchiù allero sta zì Gennaro
Cu 'na bionda abballa tutt' 'a sera
P' 'o fermà nun ce stà niente 'a fà
Sulo 'e lluce d' 'a sala hann' 'a stutà
Ma 'e fforze po' lle mancano, s'ha dd'assettà
E ce vô ll'automobile p'acc*mpagnà
Ma pure dint'â machina scurdà nun pô
'Stu mutivo 'e rock 'n roll
E perciò è chiammato mo:
Zì Gennaro rock 'n roll
[Interludio]
"Eh, giuvinò, facite chiano!"
"O Maronna mia!"

[Outro]
E cchiù allero sta zì Gennaro
Cu 'na bionda abballa tutt' 'a sera
P' 'o fermà nun ce stà niente 'a fà
Sulo 'e lluce d' 'a sala hann' 'a stutà
Ma 'e fforze po' lle mancano, s'ha dd'assettà
E ce vô ll'automobile p'acc*mpagnà
Ma pure dint'â machina scurdà nun pô
'Stu mutivo 'e rock 'n roll
E perciò è chiammato mo:
Zì Gennaro rock 'n roll