Jutzmelodie lyrics

[Strophe 1]
Lang scho isch's her, sit mir üs denn hei troffe
Mängisch sither hani planget u ha ghoffet
Zyt isch verbi, me seit sie heili Wunde
U doch merkeni, s’isch no lang nid verbi
Chuum wird's de Abe u s'dunklet i
Ertönt us mim Härze e Jutzmelodie

[Jodel]

[Strophe 2]
Lang scho isch’s her, weisch no denn ar Aare?
Jung und unbeschwärt, simer gsi i dene Jahre
Zyt geit verbi, me seit sie heili Wunde
U doch merkeni, s'isch no lang, lang nid verbi
U wird's de o Abe u s'dunklet i
Ertönt us mim Härze e Jutzmelodie

[Jodel]