Funtana all’ombra lyrics

[Testo di "Funtana all'ombra"]

[Strofa 1]
'Sta funtanella
Ca ména, 'a tantu tiempo, ll'acqua chiara
Ha fatto 'a cchiù 'e nu sèculo 'a c*mmara
Piccerenella
Venette 'a nonna a bevere e ce steva
Nu figliulillo, a ll'ombra, che 'a vedeva
E, a ll'ombra, tutt'e duje
Acc*mminciajeno a se parlá cu 'o "vvuje"
Po' ognuno 'e lloro se parlaje cu 'o "ttu"
E, sempe c*mpiacente
'Sti ffronne, alleramente
Facevano ciù-ciù

[Strofa 2]
Po' ce venette
Pur'io, 'na vota ca stevo arzo 'e setе
E ca cercavo 'e vvie frеsche e cujete
E te vedette
E t'accustaste e mm'accustaje pur'io
E 'o core tujo cercava 'o core mio
Venèttemo 'a doje strate
E pe' una ce sperdèttemo abbracciate
Pe' ce vasá e pe' nun ce lassá cchiù
E, sempe c*mpiacente
'Sti ffronne, alleramente
Facevano ciù-ciù
[Strofa 3]
Quant'ate appriesso
Doppo tante e tant'anne venarranno?
Quant'ata matremmonie se farranno?
Mo' fanno 'o stesso
Quase tutt' 'e ffigliole 'e 'stu paese
E, 'a sprùcete ca só, po' só curtese
E, spicialmente 'a 'state
Aspettano 'e figliule 'nnammurate
E 'sta funtana attacca 'a giuventù
E, sempe c*mpiacente
'Sti ffronne, alleramente
Ce fanno 'stu ciù-ciù