Die Geisterbahn lyrics

[Songtext zu „Die Geisterbahn“]

[Strophe 1]
Am letzten Schultag, ganz egal
Wie schlecht a meine Noten warn
Is da Großvota mit mir in Prater gfohrn
Erst hot er gschimpft, dann hab i eahm versprochen
Dass i mi ab jetzt bemüh
Schon bin i gsessn auf an Ringelspiel
Mein Gott, was wor das für a Lebn
Im Himmel könnts net besser sein
Es hot viel Zuckerwatte geben, wal ka Mutter war dabei
De Krönung war donn jedes Johr, a riesen Teddybär
Weil er der beste Schütze war beim Militär
Es war da schönste Tog im Johr
So schön oft Weihnachten a wor
I bin alles gfahrn nur net Geisterbahn
Weil da war a Sensenmann
Mit ana Masken wie da Tod
Der lockte übers Mikrofon, de Leit heran

[Refrain]
Griaß eich Gott, i bin da Tod
Es gibt net an, der mi net kennt
Es gibt ka Seel, de ma entrinnt
I bin net guat, i bin net bös
I fiahr di nur ins Paradies
Oda in d' Höll, wias d’ es hoit verdienst
[Strophe 2]
I wollt schon sogn: „Jetz will i z'Haus“
Da locht da Großvota mi aus
Steht stramm und sagt: „Wie man als Mann vorm Tod
Nur Angst haben kann?“
„Wos soll schon sein?“, hob i ma denkt
Und hab eahm schnell mein Teddy gebn
Steig ein in d' Geisterbahn, i wer ’s schon überlebn
De Tür geht auf, i hör an Schrei
Dann hab i ma in d' Hosn gmocht
Da steigt a Toter ausn Sorg
A Henker hebt sei Beil und locht
Auf amoi gibt 's an riesen Knoi
Und an totalen Stromausfall
Dann hab i glaubt, dass i dafrier
Es steht da Tod mit ana Lampen hinta mir

[Refrain]
Griaß di Gott, i bin da Tod
Unsere Stromversorgung spinnt
Ich bin der, der den Ausgang kennt
Gib ma dei Hand, du muasst net rearn
I hab doch olle Kinder gern
Dann hat er d' Maskn obagnumman und
Hot grinst: „Damits d' mi später wieder kennst“
[Strophe 3]
Da Großvota wor kreidebleich
Er hat sich große Sorgen gmocht
Mei Hosen wor zwor voll
Und trotzdem hab i wie a Hutschpferd glocht
Donn hob i gsogt: „Man glaubt es nicht
Doch Opa du hast Recht
Wie man als Mann vorm Tod nur Angst hobn kann“

[Refrain]
Griaß eich Gott, i bin da Tod
Es gibt net an, der mi net kennt
Es gibt ka Seel, de ma entrinnt
I bin net guat, i bin net bös
I fiahr di nur ins Paradies
Oda in d' Höll, wias d' es hoit verdienst

[Instrumental Outro]