’A NOTTE lyrics

[Testo di "'A NOTTE"]

[Intro]
'A notte è d''e guagliune, 'e chi nun piglia suonno
'A notte è 'e chi fa ammore senza scuorno
'A notte è 'e chi fatica, 'a notte è 'e chi nn's'addorme
'A notte è 'e chi se spoglia senza core
Chesta notte nun me ne voglio arritirà
Tengo cchiu 'e cocche problema da scurdà
Fin'a quanno nn'm'arricordo cchiù chi songo
Fin'a quanno nn'veco 'o sole 'ncopp'ô sfondo

[Strofa 1]
Romanzo 'e strada, ansia e sanghe dint'ê paggine
Criature ormaje songo uommene a pazzià 'ncopp'ê voraggine
Nn'aggio maje visto 'e chiagnere o mostrà na debbolezza
'A nu pate protettivo ca a nu figlio nun fa 'e carezza
E mo pecché 'stu vuoto 'a dinto, 'stu senso 'e incompletezza?
Ca nun se pò colmà ch''e sorde, ch''e brillante, ch''e Rolex
E nun me dicere che è 'o prezzo 'e n'ambizione maledetta
Nun è nu patto c''o demonio, è cchiu na guerra cu me stesso
E mo pecché Ddio? Proprio a me vuò fà 'stu tuorto?
Me daje 'a gioia 'e avé nu figlio, ma nn'me faje arrivà 'o sicondo
E mo pecché Ddio? Pecché m'hê fatto fà 'sti sorde
Si nun levano 'o tumore ca vò accidere a mio nonno
Affogo 'e dubbie d''o dimane 'mmiez'ô fumo 'e marijuana
Ca nn''o saccio si l'amplifica o m'aiuta a me sentí cchiù umano
Avascio tutt''e persiane, trovo ll'agio dint'ô bbuio
'A solitudine è c*mpagna â ggente comm'e nuje
[Ritornello]
'A notte è d''e guagliune, 'e chi nun piglia suonno
'A notte è 'e chi fa ammore senza scuorno
'A notte è 'e chi fatica, 'a notte è 'e chi nn's'addorme
'A notte è 'e chi se spoglia senza core
Chesta notte nun me ne voglio arritirà
Tengo cchiu 'e cocche problema da scurdà
Fin'a quanno nn'm'arricordo cchiù chi songo
Fin'a quanno nn'veco 'o sole 'ncopp'ô sfondo

[Strofa 2]
'A ggente è stanca, nn'vò sentí 'e canzone triste
E i' so' stanco d''o parere d''a ggente, Valè, registra
Vonno ridere, ce vonno burattine senza stimole
Pretendeno 'e curà chistu malessere ch''e pillole
Palazze fridde, comm'e 'o core, comm'e 'a neve
Spero ca Gesù perdona, spero ca mammà me crede
Quanno ggiuro, nun sempe so' sincero, sta nu muro
Ca pe furtuna me separa 'a musica e 'i rummure
Pe chesto nun accellero si veco na pozzanghera
Saccio l'umiliazione 'e quando 'e machine te bagnano
Chissà che piano tene Gesu Cristo 'ncuoll'a nuje
Fra', si staje pulito, calma, ma, si tiene 'a robba, fuje

[Ritornello]
'A notte è d''e guagliune, 'e chi nun piglia suonno
'A notte è 'e chi fa ammore senza scuorno
'A notte è 'e chi fatica, 'a notte è 'e chi nn's'addorme
'A notte è 'e chi se spoglia senza core
Chesta notte nun me ne voglio arritirà
Tengo cchiu 'e cocche problema da scurdà
Fin'a quanno nn'm'arricordo cchiù chi songo
Fin'a quanno nn'veco 'o sole 'ncopp'ô sfondo
[Outro]
A che sto penzanno?
A niente, a che sto penzanno
Nun riesco proprio a fà sta zitta a chella voce ca continuamente me dice si aggio fatto bbuono o aggio fatto sbagliato
Si è juto bbuono o puteva í meglio
Pecciò, quanno me vide 'ncantato cu ll'uocchie 'ncopp'a nu punto fermo, damme nu vaso, famme na carezza
Pecché si m'addumande a che staje penzanno
È normale ca i' te rispongo: "A niente"