Avocado lyrics

[Songtext zu „Avocado“]

[Strophe 1]
Letzte Woch, do wudde ich noh Bickedorf bestellt
Öm dat Büdche zo besöke, vun däm d'r Erry immer verzällt
Ne Fründ von mir, d'r hät jesaat, dat Lisbeth es bald nimmieh do
Un dat dat Brütche en däm Tütche nimmieh es, wie et mal wor
Verzällt hät mir dat Lisbeth dann: „Nä, wie früher, su es et nit“
Un wat et hürt, wenn et met Leidenschaff dat Brütche noh drusse jitt

[Refrain]
Op mingem Brütche fählt die Avocado
Un och die Milch es nit vejan
Un och d'r Kaffee es nit bio
Wie mer sich do nit schämme kann

[Strophe 2]
Die eetste Sitzung bei uns em Dorf vun dä KG Jecken em Rään
Es lejendär för dat Programm, die Lücksche kumme von noh und fään
Rainer Schulze verkauf zick Johr die beste Currywoosch
Un fördert met singer Würzmischung stets Buchumfang un Doosch
Doch Schulze Rainer es frustriert, su joot wie fröher, su es et nit
Und kritt ze hüre, wenn hä sing Wooscht em Brütche noh drusse jitt

[Refrain]
Op minger Wooscht, do fählt die Avocado
Un och die Soß es nit vejan
Un och dat Kölsch he es nit bio
Wie mer sich do nit schämme kann
Saach ens, hätten Se dat Wi-Fi
Dat WiFi-Kennwoot mal parat?
Domet ich all dä Lückscher zeije kann
Wat Sie alles su nit han
[Instrumental]

[Refrain]
Op mingem Brütche fählt die Avocado
Un och die Milch es nit vejan
Un och d'r Kaffee es nit bio
Wie mer sich do nit schämme kann
Saach ens, hätten Se dat Wi-Fi
Dat WiFi-Kennwoot mal parat?
Domet ich all dä Lückscher zeije kann
Wat Sie alles su nit han